15 октябрь көнө лицейҙа билдәле яҙыусы, педагог, С.Юлаев ордены кавалеры Мәрйәм Сабирйән ҡыҙы Бураҡаева менән осрашыу үтте. Осрашыу сиктәрендә 8-11-се класс уҡыусылары өсөн “Салауат юлдары буйлап” фильмы күрһәтелде. Фильм ҡарағандан һуң йәнле әңгәмә ойошторолдо, уҡыусыларҙы ҡыҙыҡһындырған һорауҙарға яуаптар алынды. Һуңынан әҙибә лицей уҡытыусылары менән осрашты, халыҡ педагогикаһы, тәрбиә алымдары тураһында һөйләне. Осрашыуҙа ата-әсәләр исеменән Б.Б.Ғиззәтуллина сығыш яһаны. Лицей директоры И.Р.Ноғоманов бай йөкмәткеле осрашыу өсөн Мәрйәм Сабирйән ҡыҙына уҡыусылар һәм уҡытыусылар коллективы исеменән рәхмәт белдерҙе.