Рамаҙан Өмөтбаев исемендәге Башҡорт лицейының уҡыусылары өсөн Интернет селтәрендә берҙәм хәүефһеҙлек дәресе үтте. Егеттәр, ҡыҙҙар Интернет селтәрендә үҙеңде дөрөҫ тотоу, мәҙәниәтле, башҡаларға иғтибарлы һәм ихтирамлы булыу тураһында һөйләште. Төрлө социаль төркөмдәрҙә ышанысы булмаған, хәүефле мәғлүмәттәрҙән йыраҡ тороу кәрәклекте иҫкә төшөрҙө. Уҡыусылар бернисә социаль төркөмдә үҙ биттәре барлығы раҫланы. Әлбиттә, унынсылар, юғары класс уҡыусылары булараҡ, Интернет селтәрен йыш ҡуллана: белем алыу барышында, дуҫтары менән аралашыуҙа, борсоған һорауҙарына яуап эҙләп. Түңәрәк өҫтәл артындағы һөйләшеү барышында егеттәрҙең буш ваҡыттарында төрлө уйындар уйнауы, видеояҙмалар ҡарауы, бер-береһенең фотоһүрәттәрен ҡарауы ла асыҡланды. Класта бөтә уҡыусының дә электрон почтаһы барлығы һәм тормошта уны маҡсатлы ҡулланыу хаҡында һөйләнелде. Шулай уҡ, Интернет селтәрендә берҙәм хәүефһеҙлек дәресе тураһында видеояҙмалар ҡарап үттек. Уҡыусылар бер дөйөм фекергә килде - Интернет селтәрен дөрөҫ ҡулланырға кәрәк