29 январь Рамаҙан Өмөтбаев исемендәге башҡорт лицейының актовый залында студенттар һәм 9-11 класс уҡыусылары араһында осрашыу үткәрелде.

Осрашыу бик ҡыҙыҡлы һәм фәһемле булды. Уҡыусылар үҙҙәрен борсоған һорауҙарҙы бирҙеләр,ә студенттар иһә уларға бик бай һәм йөкмәткеле итеп яуап бирҙеләр. Студенттар шулай уҡ үҙҙәре уҡып йөрөгән уҡыу йорттары, ундағы уҡыу,ятаҡта йәшәү шарттары ,студент тормошо хаҡында һөйләнеләр. Кисәнең аҙағында улар сығарылыш уҡыусыларына тырышып уҡырға, Берҙәм дәүләт имтихандарын юғары баллдарға тапшырырға һәм үҙҙәре һайлаған юғары уҡыу йорттарына инеүҙәрен теләнеләр. Ә мәктәп хакимиәте, класс етәкселәре студенттарға осрашыуға килгәндәре өсөн ҙур рәхмәт әйтеп,уларға уҡыуҙарында ҙур уңыштар теләнеләр, юғары уҡыу йортон тамамлап,үҙҙәре һайлаған һөнәргә эйә булып, тыуған яғыбыҙға ҡайтып эш башлауҙарын,ҡалабыҙҙың,илебеҙҙең патриоттары булырға саҡырҙылар.