Лицейыбыҙҙа Ватанды һаҡлаусылар көнөнә арналған бик күп саралар үтте. Мәҫәлән, «Йәгеҙ әле, егеттәр!», милли көрәш ярыштары, башланғыс кластар араһында шашка ярыштары, темаға арналған һүрәттәр һәм плакаттар конкурсында балалар әүҙем ҡатнашты.

Ҡалала үткәрелгән “Зарница” ярышында  9 б класс уҡыусыһы Лотфуллина Юлиә беренсе урынға лайыҡ булды.

19 февраль көнө Рамаҙан Өмөтбаев исемендәге башҡорт лицейында шаяндар һәм тапҡырҙар көс һынашты. Быйылғы йылда был сара Башҡортостан Республикаһы ойошторолоуына, Башҡортостандың халыҡ шағиры Мостай Кәримдең тыуыуына 100 йыл тулыуға, Театр йылына һәм Халыҡ-ара туған тел көнөнә арналды. Бөтәһе 7 команда ҡатнашты.

Сәмле уйында Гран-прины беҙҙең лицейыбыҙҙың «Башбармаҡтар» командаһы яуланы.