Яңы ғына уҡыуҙар башланыуға ҡарамаҫтан, беҙҙең уҡыусыларыбыҙ төрлө өлкәләргә ҡараған конкурс, ярыштарҙа урындар алып ҡыуандырып та өлгөрҙөләр.  Петрикова Виктория «Минең тыуған яғым – Башҡортостан» исемле Республика конкурсында ҡатнашып диплом менән бүләкләнде. Әбүбәкирова Рәмзиә Баймаҡ телевидениеһы ойошторған «Рух ҡошо» телевизион проектында Баймаҡ районы ҡоролтайының дипломы менән бүләкләнде. Ҡалала ойошторолған саңғы ярышында физкультура уҡытыусыһы Юсупов И.М. I  урын яулаһа, уҡыусылары Хисаметдинов Алмас-  I урын, Гончарь Ринат II урындарға лайыҡ булдылар. Уларҙы уңыштары менән ихлас ҡотлайбыҙ!