5 апрель көнө күренекле яҙыусы, яугир, дәүләт һәм йәмәғәт эшмәкәре, халҡыбыҙҙың арҙаҡлы шәхесе Рамаҙан Ғимран улы Өмөтбаевтың 95 йыллыҡ юбилейына арналған хәтер һәм ҡәҙер кисәһе булып үтте.
Рамаҙан Өмөтбаевтың тормошон, бай хеҙмәт юлын сағылдырған йөкмәткеле кисә уҡыусылар, уҡытыусылар башҡарыуындағы сағыу концерт номерҙары менән үрелеп барҙы. Оло шәхестең туғандары Хәнифә Ғимран ҡыҙы, Гөлсирә Ҡыуандыҡ ҡыҙҙарының килеүҙәре кисәгә йәм өҫтәне. Улар ҡала фәнни конференцияларында еңеүсе, республика, ҡала күләмендәге бәйгеләрҙә, олимпиадаларҙа урындар яулаусы, лицейҙың бөтә йәмәғәт эштәрендә әүҙем ҡатнашыусы уҡыусыларға аҡсалата премия һәм маҡтау ҡағыҙҙары тапшырҙылар. Кисәлә шулай уҡ Сибай ҡалаһы Ҡоролтайы ойошмаһы рәйесе Бикмәтов Ирек Ниғәмәт улы һәм Айсыуаҡова Рәсимә Фитрат ҡыҙы ла сығыш яһаны.
Бындай саралар уҡыусыларыбыҙҙа ошо исемде йөрөткән лицейҙа уҡыуҙарына ғорурлыҡ тойғоһон тағы ла арттыра.
|