9 апрель көнө 7 а класы уҡыусылары ата -әсәләре, һеңлеләре һәм ҡустылары менән тулҡынланып шиғриәт байрамына йыйылдылар. "Йөрәк һүҙе" телевизион проект буйынса эшләнгән сара береһен дә битараф ҡалдырманы. Башҡортостан республикаһының барлыҡҡа килеүенә 100 йыллыҡҡа бағышланған кисәгә һәр ғаилә тыуған ил, туған тел, ғаилә тураһында шиғырҙар ятланы. Динә менән Динир Байегетовтар, Рәйлә Хәлфетдин ҡыҙы һәм Азалия Мәһәҙиевалар, Әлмира Рәфҡәт ҡыҙы һәм Фәнил Иҫәнғоловтар, Зәниә Ришат ҡыҙы һәм Батырхан Юнысовтар, Дилә Таңғатар ҡыҙы һәм Камила Азаматовалар, Рәсимә Әхмәтхәлим ҡыҙы һәм Диниә Хәйбуллиналар, Рәсимә Хадарис ҡыҙы һәм Динә Иҫәнбаевалар, Гүзәлиә Әсҡәт ҡыҙы һәм Физалия Хәлиловаларҙың бик шәп сығыштары һәр береһенең күңеленә хуш килде. Гөлнара Мөхәррәм ҡыҙы Шәкирова үҙ шиғырын һөйләп тамашасыны һөйөндөрҙө. Иҙрисов Азат менән Хәлилова Физалия байрамды оҫта алып барҙылар. Байрам аҙағынан класс етәксеһе сығыш яһаусыларға үҙе әҙерләгән бүләктәрҙе тапшырҙы.
Тыуған илебеҙ тәбиғәтенә, туған телебеҙгә һөйөү тәрбиәләгән сараны тағы ла үткәреү теләге менән таралаштылар. |